നടിയെ ആക്രമിച്ച കേസില് ഗൂഢാലോചന തെളിയിക്കുന്നതുവരെയുള്ള പോരാട്ടത്തില് സര്ക്കാരും പാര്ട്ടിയും അതിജീവിതയ്ക്കൊപ്പം നില്ക്കുമെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദന് വ്യക്തമാക്കി.
അതിജീവിതയുടെ പോരാട്ടത്തില് എന്നും സര്ക്കാര് ഒപ്പമുണ്ടായിരുന്നുവെന്നും
ഇനിയും ഒപ്പമുണ്ടാകുമെന്നും മന്ത്രി വി ശിവന്കുട്ടി പ്രതികരിച്ചു. വിധിയുടെ പൂര്ണ്ണ രൂപം വന്നതിനുശേഷം സര്ക്കാര് ആവശ്യമായ തീരുമാനമെടുക്കും. കൂടുതല് വിശദാംശങ്ങളിലേക്ക് പോകുന്നില്ല. മുഖ്യമന്ത്രിയടക്കം അതീവ ഗൗരവത്തോടെയാണ് ഇത് കണ്ടിരുന്നതെന്നും അദ്ദേഹം പറഞ്ഞു.
ഗൂഢാലോചനാക്കുറ്റം തെളിയിക്കാന് പ്രൊസിക്യൂഷന് കഴിയാത്തതിന്റെ അടിസ്ഥാനത്തിലാണ് ദിലീപിനെ കോടതി വെറുതെ വിട്ടത്. ആറ് പ്രതികള് കുറ്റക്കാരെന്ന് കോടതി വിധിച്ചു.
