വയനാട് ഉരുള്പൊട്ടല് ദുരന്തമേഖലയില് പോലീസിന്റെ രാത്രികാല പട്രോളിങ്ങ്. ദുരന്തത്തിന് ഇരയായവരുടെ വീടുകളിലോ പ്രദേശത്തോ രാത്രി കാലങ്ങളില് അതിക്രമിച്ച് കടക്കുന്നവര്ക്കെതിരെ നടപടിയെടുക്കുന്നതായിരിക്കുമെന്ന് പോലീസ് അറിയിച്ചു. അടിയന്തര സാഹചര്യങ്ങള് ഉണ്ടായാല് നേരിടാന് ഒരു ഫയര്ഫോഴ്സ് ടീം ചൂരല് മലയില് തുടരും. ബെയ്ലി പാലത്തിന് കരസേനയുടെ കാവലും ഉണ്ടാകും.
സന്നദ്ധ പ്രവര്ത്തകര്ക്കും ലഭിച്ച ആഭരണങ്ങളും വിലപിടിപ്പുള്ള വസ്തുക്കളും രേഖകളും സിവില് സ്റ്റേഷനിലെ കണ്ട്രോള് റൂമിലോ മറ്റു കണ്ട്രോള് റൂമിലോ ഏല്പിക്കണമെന്ന് റവന്യൂ വകുപ്പ് പ്രിന്സിപ്പല് സെക്രട്ടറി ടിങ്കു ബിസ്വാള് അറിയിച്ചു.
