ട്രംപ് വോട്ടിംഗ് മെഷീനുകള് പിടിച്ചെടുക്കാന് ഉത്തരവിട്ടു; രേഖകള് പുറത്ത്
വാഷിംഗ്ടണ് ഡിസി : അമേരിക്കന് പ്രസിഡന്റ് തെരഞ്ഞെടുപ്പിലെ തോല്വിക്ക് പിന്നാലെ വോട്ടിംഗ് മെഷീനുകള് പിടിച്ചെടുക്കാന് ഡൊണള്ഡ് ട്രംപ് ഉത്തരവിട്ടിരുന്നതായി റിപ്പോര്ട്ട്. ഇത് വ്യക്തമാക്കുന്ന രേഖകള് പുറത്തു വന്നു. ഉന്നത സൈനിക ഉദ്യോഗസ്ഥര്ക്ക് വോട്ടിംഗ് മെഷീനുകള് പിടിച്ചെടുക്കാന് ട്രംപ് നല്കിയ ഉത്തരവാണ് പുറത്തുവന്നത്. 2020 ഡിസംബര് 16 നായിരുന്നു ഉത്തരവ് ഇറക്കിയത്.
ഡിഫന്സ് സെക്രട്ടറി അടിയന്തരമായി എല്ലാ വോട്ടിങ് മെഷിനുകളും പിടിച്ചെടുത്ത് വിവരങ്ങള് ശേഖരിക്കണമെന്നാണ് മൂന്ന് പേജുള്ള ഉത്തരവില് പറഞ്ഞിരിക്കുന്നത്. എന്നാല് ഉത്തരവില് ആരും ഒപ്പുവെച്ചിരുന്നില്ല. നാഷണല് ആര്ക്കൈവ്സ് പുറത്തുവിട്ട രേഖ പൊളിറ്റിക്കോ ആണ് പ്രസിദ്ധീകരിച്ചത്.