കോട്ടയം: അമ്മയെ മകൻ തോട്ടിൽ മുക്കി കൊന്നു. കോട്ടയം വൈക്കപ്രയാറിലാണ് സംഭവം. മദ്യലഹരിയിലായിരുന്ന മകൻ ബൈജുവാണ് അമ്മയെ മർദിച്ചതിനു ശേഷം തോട്ടിൽ മുക്കി കൊലപ്പെടുത്തിയത്. ഒഴുവിൽ സുരേന്ദ്രന്റെ ഭാര്യ മന്ദാകിനി(68)യാണ് മരിച്ചത്.
വഴിത്തർക്കവുമായി ബന്ധപ്പെട്ട് ബൈജുവും മന്ദാകിനിയും പ്രശ്നങ്ങളുണ്ടായിരുന്നു. കൂടാതെ ഇയാൾ സ്ഥിരമായി മദ്യപിച്ചെത്തി അമ്മയെ മർദിക്കുകയും ചെയ്തിരുന്നു. ഇന്ന് വൈകിട്ടോടെ അമ്മയെ ക്രൂരമായി മർദിച്ച് അവശനാക്കിയ ബൈജു വീടിന് സമീപത്തെ തോട്ടിൽ വച്ച് അമ്മയെ മുക്കി കൊല്ലുകയായിരുന്നു.
സംഭവം കണ്ട നാട്ടുകാർ മന്ദാകിനിയെ വൈക്കത്തെ ആശുപത്രിയിൽ എത്തിച്ചിരുന്നു. തുടർന്ന് കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചുവെങ്കിലും മരണം സംഭവിച്ചിരുന്നു.