കിഴക്കൻ അഫ്ഗാനിസ്ഥാനിലെ നംഗർഹാർ പ്രവിശ്യയില്‍ ശക്തമായ മഴയിലും വെള്ളപ്പൊക്കത്തിലും 35 പേർ മരിക്കുകയും 250 പേർക്ക് പരിക്കേല്‍ക്കുകയും ചെയ്തതായി പ്രാദേശിക ഉദ്യോഗസ്ഥൻ അറിയിച്ചു.
നംഗർഹാർ പ്രവിശ്യാ ഡയറക്ടർ ഫോർ ഇൻഫർമേഷൻ ആൻഡ് കള്‍ച്ചർ ഖുറിഷി ബദ്‌ലോണ്‍ പറയുന്നതനുസരിച്ച്‌, തിങ്കളാഴ്ച ഉച്ചയോടെ പ്രവിശ്യാ തലസ്ഥാനമായ ജലാലാബാദ്, സുഖ് റോഡ് ജില്ല, പാകിസ്ഥാൻ അതിർത്തിയിലുള്ള പ്രവിശ്യയിലെ അവരുടെ സമീപ പ്രദേശങ്ങള്‍ എന്നിവയെ ദുരന്തം ബാധിച്ചതായി സിൻഹുവ വാർത്താ ഏജൻസി റിപ്പോർട്ട് ചെയ്തു.
മരണസംഖ്യ ഉയരുമെന്നാണ് പ്രതീക്ഷിക്കുന്നതെന്നും ഉദ്യോഗസ്ഥർ കൂട്ടിച്ചേർത്തു.സമാനമായ പ്രകൃതിദുരന്തത്തില്‍ നംഗർഹാറിൻ്റെ സമീപ പ്രദേശമായ കുനാർ പ്രവിശ്യയില്‍ തിങ്കളാഴ്ച രാവിലെയും അഞ്ച് പേർ മരിച്ചു.
കനത്ത മഴയിലും വെള്ളപ്പൊക്കത്തിലും 400-ലധികം പേർ കൊല്ലപ്പെടുകയും ആയിരക്കണക്കിന് ആളുകളെ ഭവനരഹിതരാക്കുകയും ചെയ്തു.
