തിരുവനന്തപുരം കോര്‍പ്പറേഷന്‍ മേയര്‍ സ്ഥാനത്തെ ചൊല്ലി സി.പി.ഐ-സി.പി.ഐ.എം തര്‍ക്കം രൂക്ഷം. മേയര്‍ സ്ഥാനം പങ്കിടണമെന്നാവശ്യപ്പെട്ട് സി.പി.ഐ രംഗത്തെത്തി. അവസാന രണ്ടുവര്‍ഷം മേയര്‍ സ്ഥാനം നല്‍കണമെന്നാവശ്യപ്പെട്ട് എല്‍.ഡി.എഫ് ജില്ലാ നേതൃത്വത്തിന് സി.പി.ഐ ജില്ലാ സെക്രട്ടറി കത്തു നല്‍കി. ബ്‌ളോക്ക്,ഗ്രാമപഞ്ചായത്ത് തലങ്ങളിലും ആനുപാതിക പ്രാതിനിധ്യം ലഭിച്ചില്ലെങ്കില്‍ കടുത്ത നടപടിയിലേക്ക് പോകേണ്ടിവരുമെന്നാണ് സി.പി.ഐയുടെ മുന്നറിയിപ്പ്.
