കോവിഡ് കോള്‍ സെന്‍ററില്‍ വോളണ്ടിയറായി നടി ആത്മീയ രാജന്‍. കണ്ണൂരില്‍ ജില്ലാ ഭരണകൂടത്തിനു കീഴിലുള്ള കോള്‍ സെന്‍ററിനാണ് നടി സഹായം നല്‍കിയത്.
വെള്ളിയാഴ്ച രാവിലെ 10 മണിയോടു കോള്‍ സെന്‍ററില്‍ എത്തിയ താരം ആവശ്യക്കാരുടെ കോളുകള്‍ സ്വീകരിക്കുകയും തുടര്‍ന്ന് വീടുകളില്‍ സാധനങ്ങള്‍ എത്തിച്ചു നല്‍കുകയും ചെയ്തു. ജോസഫ്, അവിയല്‍ എന്നീ സിനിമകളിലൂടെ പ്രശസ്തയായ ആത്മീയ നഴ്സിംഗ് ബിരുദധാരി കൂടിയാണ്.
തന്‍റെ സഹപാഠികളൊക്കെ വിവിധ ആശുപത്രികളിലും സന്നദ്ധസേവന മേഖലയിലും സജീവമായപ്പോള്‍ തനിക്കും തന്‍റെ കടമ നിറവേറ്റണമെന്ന ആഗ്രഹത്തെത്തുടര്‍ന്നാണ് കോള്‍ സെന്‍ററിലെത്തിയതെന്നും ലോക്ഡൗണ്‍ സമയത്ത് കള്‍സെന്‍ററിന്‍റെ പ്രവര്‍ത്തനം പൊതുജനങ്ങള്‍ക്ക് ഏറെ ഉപകാരപ്രദമാണെന്നും ആത്മീയ പറഞ്ഞു.
