ബംഗാള് ഉള്ക്കടലില് നാളെയോടെ ന്യൂനമര്ദ്ദം രൂപപ്പെടുമെന്ന് കാലാവസ്ഥനിരീക്ഷണ കേന്ദ്രം. ഈ മാസം 22 വരെ സംസ്ഥാനത്ത് അതിശക്തമായ മഴയുണ്ടാകുമെന്നാണ് മുന്നറിയിപ്പ്. ഇന്ന് കോട്ടയം, ഇടുക്കി ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. 12 ജില്ലകളില് യെല്ലോ അലര്ട്ടാണ്. നാളെയും മറ്റന്നാളും അഞ്ച് ജില്ലകളില് ഓറഞ്ച് അലര്ട്ടുണ്ട്. കനത്ത മഴക്കൊപ്പം ശക്തമായ കാറ്റ് വീശാനും സാധ്യതയുണ്ട്.വരും ദിവസങ്ങളിലും മഴ ശക്തിപ്പെടുമെന്നതിനാല് താഴ്ന്ന പ്രദേശങ്ങളില് താമസിക്കുന്നവര് ജാഗ്രത പാലിക്കണമെന്ന് ദുരന്തനിവാരണ അതോറിറ്റി നിര്ദേശിച്ചു. ജലാശയങ്ങളില് ഇറങ്ങരുതെന്നും മുന്നറിയിപ്പുണ്ട്. മലയോര മേഖലയിലേക്കുള്ള രാത്രി സഞ്ചാരം ഒഴിവാക്കണം. കടല് പ്രക്ഷുബ്ധമായതിനാല് മത്സ്യത്തൊഴിലാളികള് കടലില് പോകുന്നത് വിലക്കി.
FLASHNEWS