വാഷിംഗ്ടണ് ഡിസി: പാക്കിസ്ഥാന് ഇന്റര്നാഷണല് എയര്ലൈന്സിന്റെ ചാര്ട്ടര് സര്വീസ് വിമാനങ്ങളുടെ അനുമതി അമേരിക്ക റദ്ദാക്കി. പൈലറ്റുമാരുടെ ലൈസന്സ് സംബന്ധിച്ച് യുഎസ് ഫെഡറല് ഏവിയേഷന് അഡ്മിനിസ്ട്രേഷന് ആശങ്ക അറിയിച്ചതോടെയാണ് അമേരിക്കയുടെ നടപടി.
പാക്കിസ്ഥാനിലെ 860 പൈലറ്റുമാരില് 262 പേരുടേത് വ്യാജ ലൈസന്സാണെന്ന് പാക് വ്യോമയാന മന്ത്രി ഗുലാം സര്വാര് ഖാന് വെളിപ്പെടുത്തിയിരുന്നു. ഇതിനു പിന്നാലെ നിരവധി പൈലറ്റുമാരുടെ യോഗ്യത റദ്ദാക്കുകയും ചെയ്തിരുന്നു.
ആശങ്ക പരിഹരിക്കുമെന്ന് പാക്കിസ്ഥാന് ഇന്റര്നാഷണല് എയര്ലൈന് അറിയിച്ചതായി പാക് മാധ്യമമായ ജിയോ ന്യൂസ് റിപ്പോര്ട്ട് ചെയ്തു. നേരത്തെ ഇതേ കാരണത്താല് യൂറോപ്യന് യൂണിയനും പാക് വിമാനങ്ങള്ക്ക് ആറുമാസത്തെ വിലക്കേര്പ്പെടുത്തിയിരുന്നു.