തിരുവനന്തപുരം: കേരളത്തില് വെള്ളിയാഴ്ച വരെ മഴ ശക്തമായി പെയ്യാനും കാറ്റിനും സാധ്യതയെന്ന് കാലാവസ്ഥ വിഭാഗം അറിയിച്ചു. അറബിക്കടലില് ലക്ഷദ്വീപിനു അടുത്ത് രൂപംകൊണ്ട തീവ്രന്യൂനമര്ദം ഇന്നു ചുഴലിക്കാറ്റായി വടക്കുപടിഞ്ഞാറന് ദിശയിലേക്കു നീങ്ങുന്നതായാണ് മുന്നറിയിപ്പ്.
ചുഴലിക്കാറ്റ് വ്യാഴാഴ്ചയോടെ മഹാരാഷ്ട്ര, ഗുജറാത്ത് തീരത്തോട് അടുക്കും. ചുഴലിക്കാറ്റിന് വായു’ എന്ന പേരാണ് നൽല്കിയിരിക്കുന്നത്. ചുഴലിക്കാറ്റ് കേരളത്തെ നേരിട്ടുബാധിക്കില്ല. എന്നാല് ശക്തമായ മഴയുണ്ടാകാന് സാധ്യതയെന്നാണ് മുന്നറിയിപ്പ്. ഒന്പതു ജില്ലകളില് യെല്ലോ അലര്ട്ടും പ്രഖ്യാപിച്ചു.
ശക്തമായ കാറ്റിന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്ന് കാലാവസ്ഥാ കേന്ദ്രം മുന്നറിയിപ്പ് നല്കി.