വികസന പ്രവർത്തനങ്ങൾക്ക് സഹായവുമായി കിഫ്ബി; സംസ്ഥാനത്ത് 10 ആശുപത്രികള്‍ക്ക് 815 കോടി രൂപ അനുവദിച്ചു

സംസ്ഥാനത്തെ 3 മെഡിക്കല്‍ കോളേജുകളുടേയും 7 പ്രധാന ആശുപത്രികളുടേയും വികസന പ്രവര്‍ത്തനങ്ങള്‍ക്കായി 815.11 കോടി രൂപ കിഫ്ബി അനുമതി ലഭിച്ചതായി മന്ത്രി കെ കെ ശൈലജ അറിയിച്ചു. തിരുവനന്തപുരം മെഡിക്കല്‍ കോളേജ് 194.33 കോടി രൂപ, പത്തനംതിട്ട കോന്നി മെഡിക്കല്‍ കോളേജ് 241.01 കോടി, കണ്ണൂര്‍ പരിയാരം മെഡിക്കല്‍ കോളേജ് 51.30 കോടി, കായംകുളം താലൂക്ക് ആശുപത്രി 45.70 കോടി, കോട്ടയം ജനറല്‍ ആശുപത്രി 106.93 കോടി, കൊച്ചി കരുവേലിപ്പടി ഗവ. മഹാരാജാസ് താലൂക്ക് ആശുപത്രി 29.60 കോടി, കോഴിക്കോട് ഫറോഖ് താലൂക്ക് ആശുപത്രി 17.09 കോടി, കോഴിക്കോട് ബാലുശേരി താലൂക്ക് ആശുപത്രി 18.58 കോടി, കോഴിക്കോട് കൊയിലാണ്ടി താലൂക്ക് ആശുപത്രി 23.77 കോടി, കോഴിക്കോട് ജനറല്‍ ആശുപത്രി 86.80 കോടി എന്നിങ്ങനെയാണ് തുക അനുവദിച്ചത്. ഇതിലൂടെ മെഡിക്കല്‍ കോളേജുകളിലും ആശുപത്രികളിലും വിപുലമായ അടിസ്ഥാന സൗകര്യ വികസമാണ് നടക്കുന്നത്. ഇതോടുകൂടി 3100 കോടിയോളം രൂപയുടെ നിര്‍മ്മാണ അനുമതിയാണ് മെഡിക്കല്‍ കോളേജുകള്‍ക്കും താലൂക്ക്, ജില്ല, ജനറല്‍ ആശുപത്രികള്‍ക്കുമായി കിഫ്ബി ലഭ്യമാക്കിയിട്ടുള്ളതെന്നും മന്ത്രി വ്യക്തമാക്കി.

Spread the love

Leave a Reply

Your email address will not be published. Required fields are marked *