ഫറൂഖാബാദ്:ലേബര് റൂമില് കിടക്കയില്ലാത്തതിനാല് പ്രവേശനം നിഷേധിക്കപ്പെട്ട ഗര്ഭിണി സര്ക്കാര് ആശുപത്രിയുടെ പ്രവേശന കവാടത്തില് പ്രസവിച്ചു. ഫറൂഖാബാദിലെ റാം മനോഹര് ലോഹ്യ ആശുപത്രിയിലാണ് സംഭവം. ദൃക്സാക്ഷികള് പകര്ത്തിയ വീഡിയോ പ്രാദേശിക മാധ്യമപ്രവര്ത്തകന് സോഷ്യല്മീഡിയയില് പോസ്റ്റ് ചെയ്തതോടെയാണ് സംഭവം പുറം ലോകമറിഞ്ഞത്.
പ്രസവശേഷമാണ് യുവതിയെയും കുഞ്ഞിനെയും ലേബര് റൂമിലേക്ക് മാറ്റിയത്. രക്തത്തില് കുളിച്ച നിലയിലാണ് അമ്മയും കുഞ്ഞും കവാടത്തില് കിടന്നിരുന്നതെന്ന് ദൃക്സാക്ഷികള് പറഞ്ഞു. സംഭവത്തില് ജില്ലാ കളക്ടര് അന്വേഷണത്തിന് ഉത്തരവിട്ടു.
2017ല് ഓക്സിജന്റെ ലഭ്യതയില്ലാത്തതിനാല് നവജാത ശിശുക്കള് ഈ ആശുപത്രിയില് മരിച്ചത് വിവാദമായിരുന്നു.