വയനാട്: രേഖകളില്ലാതെ മൈസൂരുവില്‍ നിന്നും വയനാട്ടിലേക്ക് കൊണ്ടു വരുകയായിരുന്ന കുഴല്‍പ്പണം മുത്തങ്ങ എക്‌സൈസ് സ്‌ക്വാഡ് പിടികൂടി. പണം കടത്തിയ സുല്‍ത്താന്‍ ബത്തേരി എ.കെ.ജി റോഡില്‍ ലക്ഷമി നിവാസില്‍ രാജേന്ദ്ര കൃഷ്ണജാദവ് (48) എന്നയാളും പിടിയിലായി. തിങ്കളാഴ്ച്ച ഉച്ചയോടെയാണ് സംഭവം.
മൈസൂര്‍-കോഴിക്കോട് കര്‍ണ്ണാടക ആര്‍.ടി.സിയിലെ യാത്രക്കാരനായിരുന്നു ഇയാള്‍. 13,32000 രൂപയാണ് പിടിച്ചെടുത്തിട്ടുള്ളത്. ഇയ്യാളുടെ കാലില്‍ രണ്ടായിരത്തിെന്‍റ നോട്ടുകള്‍ കെട്ടുകളാക്കി കെട്ടി വെച്ച നിലയിലായിരുന്നു. മൈസൂരുവില്‍ നിന്നും സ്വര്‍ണ്ണം വിറ്റുകിട്ടിയ പണമാണിതെന്നാണ് ഇയാള്‍ മൊഴി നല്‍കിയിരിക്കുന്നത്. കൂടുതല്‍ നടപടിള്‍ക്കായി ഇയാളെ ബത്തേരി പൊലിസിന് കൈമാറി. എക്‌സൈസ് ഇന്‍സ്‌പെക്ടര്‍ അമല്‍രാജന്‍, പ്രിവന്റിവ് ഓഫിസര്‍ ജി.അനില്‍കുമാര്‍,സിവില്‍ ഓഫിസര്‍മാരായ എ.ടി.കെ.രാമചന്ദ്രന്‍,സന്തോഷ് കൊമ്ബ്രാങ്കണ്ടി എന്നിവര്‍ എക്‌സൈസ് സംഘത്തിലുണ്ടായിരുന്നു
