പ്രധാനമന്ത്രി നരേന്ദ്ര മോദിയെ കടന്നാക്രമിച്ച് കോണ്ഗ്രസ് നേതാവ് രാഹുല് ഗാന്ധി. രാജ്യം ഭരിക്കുന്നത് അദാനിയുടെയും അംബാനിയുടെയും സര്ക്കാരാണെന്ന് രാഹുല് പറഞ്ഞു. ബിഹാറില് തെരഞ്ഞെടുപ്പ് റാലിയില് സംസാരിക്കുകയായിരുന്നു രാഹുല്.മോദി ഭരണത്തില് ലക്ഷക്കണക്കിന് യുവാക്കള്ക്ക് തൊഴില് നഷ്ടമായി. കര്ഷകരെ പെരുവഴിയിലാക്കിയ സര്ക്കാരാണിതെന്നും രാഹുല് വിമര്ശിച്ചു. എന്ഡിഎ സര്ക്കാര് ബിഹാറിലെ ജനങ്ങള്ക്കായി യാതൊന്നും ചെയ്തില്ലെന്നും രാഹുല് കുറ്റപ്പെടുത്തി. കാഷ്മീരില് ആര്ട്ടിക്കിള് 370 തിരികെ കൊണ്ടുവരാനാണ് പ്രതിപക്ഷം ആഗ്രഹിക്കുന്നതെന്ന് മോദി ബിഹാറില് തെരഞ്ഞെടുപ്പ് റാലിയില് പറഞ്ഞിരുന്നു. ഇത് ബിഹാറിനെ അപമാനിക്കുന്നതിന് തുല്യമാണെന്നും ഗാല്വന് താഴ് വരയില് ബിഹാറില്നിന്നുള്ള ജവാന്മാരും വീരമൃത്യു വരിച്ചിട്ടുണ്ടെന്നും മോദി പറഞ്ഞിരുന്നു.
മോദിയുടെ ഈ പരാമര്ശത്തിനെതിരെയും രാഹുല് രംഗത്തെത്തി. ജവാന്മാര് മരിച്ചു വീണപ്പോള് പ്രധാനമന്ത്രി എന്ത് ചെയ്യുകയായിരുന്നുവെന്നും രാഹുല് ചോദിച്ചു.
FLASHNEWS