മുംബൈ: മഹാരാഷ്ട്രയില്‍ ലോക്ക്ഡൗണ്‍ ഓഗസ്റ്റ് 31 വരെ നീട്ടാന്‍ ഉദ്ധവ് താക്കറെ സര്‍ക്കാര്‍ തീരുമാനിച്ചു. സംസ്ഥാനത്ത് കോവിഡ് ബാധിതരുടെ എണ്ണം നാല് ലക്ഷം പിന്നിട്ടതിനു പിന്നാലെയാണ് ലോക്ക്ഡൗണ്‍ നീട്ടുന്നത്.
തീയറ്ററുകള്‍ ഇല്ലാത്ത മാളുകളും മാര്‍ക്കറ്റ് കോംപ്ലക്സും റസ്റ്റോറന്‍റുകളും ഫുഡ് കോര്‍ട്ടുകളും തുറക്കാനും സര്‍ക്കാര്‍ തീരുമാനിച്ചു. ഓഗസ്റ്റ് അഞ്ച് മുതലാണ് ഇവ തുറക്കുക. രാവിലെ ഒന്‍പത് മുതല്‍ രാത്രി ഏഴ് വരെയാണ് തുറന്നു പ്രവര്‍ത്തിക്കാനാണ് അനുമതി നല്‍കിയിരിക്കുന്നത്.
രാജ്യത്ത് ഏറ്റവും കൂടുതല്‍ കോവിഡ് രോഗികളുള്ളത് മഹാരാഷ്‌ട്രയിലാണ്. 4,00,651 പേര്‍ക്കാണ് സംസ്ഥാനത്ത് കോവിഡ് സ്ഥിരീകരിച്ചത്. 1,44,998 പേരാണ് നിലവില്‍ ചികിത്സയിലുള്ളത്. 14,165 പേരാണ് സംസ്ഥാനത്ത് മരിച്ചത്. മഹാരാഷ്ട്രയില്‍ മുംബൈയിലാണ് രോഗവ്യാപനം അതിരൂക്ഷമായിരിക്കുന്നത്.
