കോഴിക്കോട്: മില്മ പാലിന്റെ വിലവര്ധന നിലവില്വന്നു. ലിറ്ററിന് നാല് രൂപയാണ് വര്ധിപ്പിച്ചത്. മഞ്ഞ, ഇളംനീല നിറമുള്ള പാക്കറ്റുകള്ക്ക് ലിറ്ററിന് 44 രൂപയാണ് പുതിയ വില. കടും നീല നിറമുള്ള പാക്കറ്റിന് ലിറ്ററിന് 46 രൂപയാണ് വില.
കൊഴുപ്പുകൂടിയ പാലിന് ലിറ്ററിന് 48 രൂപ നല്കണം. കാവി, പച്ച പാക്കറ്റുകളില് ലഭിക്കുന്നവയാണ് കൊഴുപ്പ് കൂടിയ പാല്.വര്ധിപ്പിച്ച നാല് രൂപയില് 3.35 രൂപ ക്ഷീരകര്ഷകര്ക്ക് ലഭിക്കും. പുതിയ വില രേഖപ്പെടുത്തിയ കവര് ലഭിക്കുംവരെ പഴയ വിലയിലെ കവറില് തന്നെ നാല് രൂപ കൂട്ടി വാങ്ങാനാണ് മില്മയുടെ തീരുമാനം.
കാലിത്തീറ്റയുടേയും മറ്റ് ഉല്പ്പാദനോപാധികളുടേയും വിലയിലുണ്ടായ വര്ധനവാണ് പാല്വില കൂട്ടാനുള്ള പ്രധാന കാരണമെന്ന് മില്മ പറയുന്നു.
2017ലാണ് പാല്വില അവസാനം കൂട്ടിയത്. പ്രളയശേഷം ആഭ്യന്തരോല്പാദനത്തില് ഒരു ലക്ഷത്തിലധികം ലിറ്റര് പാലിെന്റ കുറവുണ്ടായി. കഴിഞ്ഞവര്ഷം ദിവസം 1.86 ലക്ഷം ലിറ്റര് പാലാണ് മറ്റ് സംസ്ഥാനങ്ങളില്നിന്ന് വാങ്ങിയത്.
പാല് വില വര്ധിക്കുന്നതോടെ പാലുല്പന്നങ്ങളുടെ വിലയും വൈകാതെ വര്ധിച്ചേക്കും.