മുംബൈ: പ്രമുഖ ബോളിവുഡ് നൃത്തസംവിധായിക സരോജ് ഖാന് (71) അന്തരിച്ചു. മുംബൈയിലെ സ്വകാര്യ ആശുപത്രിയില് വെള്ളിയാഴ്ച പുലര്ച്ചെ ഹൃദയാഘാതത്തെ തുടര്ന്നായായിരുന്നു അന്ത്യം.
ശ്വാസതടസത്തെ തുടര്ന്ന് ജൂണ് 20 ന് സരോജ് ഖാനെ ഗുരു നാനാക് ആശുപത്രിയില് പ്രവേശിപ്പിച്ചു. കോവിഡ് പരിശോധന നടത്തിയെങ്കിലും ഫലം നെഗറ്റീവായിരുന്നു. ആരോഗ്യനിലയില് കാര്യമായ പുരോഗതിയുണ്ടാകുകയും ആശുപത്രിയില്നിന്ന് മടങ്ങാന് തയാറെടുക്കുകയും ചെയ്യുന്നതിനിടെയാണ് ഹൃദയാഘാതത്തിന്റെ രൂപത്തില് മരണം എത്തിയത്. നാല് പതിറ്റാണ്ട് കാലം രണ്ടായിരത്തിലധികം ഗാനങ്ങള്ക്കാണ് സരോജ് ഖാന് നൃത്തസംവിധാനം നിര്വഹിച്ചത്. ഹവാ ഹവായി (മിസ്റ്റര് ഇന്ത്യ), ഏക് ദോ തീന് (തേസാബ്), ധക് ധക് കര്നേ (ബേട്ടാ) തുടങ്ങിയ പ്രശ്തഗാനങ്ങള്ക്ക് നൃത്തസംവിധാനം ചെയ്ത് സരോജ് ഖാന് ആയിരുന്നു.