മൂര്ഷിദാബാദ്: പശ്ചിമബംഗാളില് ഒരു അല്ക്വയ്ദ ഭീകരനെ കൂടി ദേശീയ അന്വേഷണ ഏജന്സി (എന്ഐഎ) അറസ്റ്റ് ചെയ്തു. ഷമിം അന്സാരി എന്നയാളെയാണ് മൂര്ഷിദാബാദ് ജില്ലയില്നിന്ന് പിടികൂടിയത്. ഷമീം കേരളത്തിലും ജോലി ചെയ്തിരുന്നതായി എന്ഐഎ അറിയിച്ചു.
ഒരാഴ്ച മുന്പ് ബംഗാളിലും കൊച്ചിയിലുമായി 12 സ്ഥലങ്ങളില് എന്ഐഎ നടത്തിയ റെയ്ഡില് കൊച്ചിയില്നിന്ന് മൂന്നും ബംഗാളില്നിന്നും ആറും ഭീകരരെ പിടികൂടിയിരുന്നു. കേരളത്തില് പിടിയിലായ എല്ലാവരും ബംഗാള് സ്വദേശികളായിരുന്നു.