പാലക്കാട്: ജില്ലയില് ഇന്ന് നാലു വയസുകാരിക്ക് ഉള്പ്പെടെ 31 പേര്ക്ക് കോവിഡ് സ്ഥിരീകരിച്ചു.യുഎഇ യില് നിന്നെത്തിയവരാണ് രോഗം സ്ഥിരീകരിച്ചവരില് കൂടുതലും. സമ്ബര്ക്കത്തിലൂടെ നാല് പേര്ക്ക് രോഗം സ്ഥിരീകരിച്ചിട്ടുണ്ട്. ഇതില് ഒരാള്ക്ക് രോഗബാധ ഉണ്ടായ ഉറവിടം വ്യക്തമല്ല.
കാരാകുറിശ്ശി സ്വദേശിയായ യുവാവിന്റെ (34) രോഗ ഉറവിടമാണ് വ്യക്തമാകാത്തത്. ഇയാള്ക്ക് ആന്റിജന് ടെസ്റ്റിലൂടെയാണ് രോഗബാധ സ്ഥിരീകരിച്ചത്. ഇദ്ദേഹം ഒരു സ്വകാര്യ വിദ്യാഭ്യാസ സ്ഥാപനത്തിലെ ജീവനക്കാരനാണ്. സൗദിയില് നിന്ന് വന്ന് നിരീക്ഷണത്തില് കഴിയവേ കഴിഞ്ഞ ചൊവ്വാഴ്ച ആത്മഹത്യ ചെയ്ത കുനിശേരി സ്വദേശിക്കും (40) സാമ്ബിള് പരിശോധനയില് രോഗം സ്ഥിരീകരിച്ചു. മരണ ശേഷം സാമ്ബിള് പരിശോധനയ്ക്ക് അയയ്ക്കുകയും ഇന്ന് രോഗം സ്ഥിരീകരിക്കുകയുമായിരുന്നു.