മലപ്പുറം: പാർട്ടിയിൽ ചേർന്ന ഇന്ത്യൻ നാഷണൽ ലീഗ് (ഐഎൻഎൽ) നേതാവിനെ മുസ്ലിംലീഗുകാരനാക്കി ബിജെപി. മലപ്പുറം നഗരസഭ മുൻ ചെയർമാൻ സാധു റസാഖിന്റെ പാർട്ടി പ്രവേശമാണ് ബിജെപി ലീഗുകാരനെന്ന രീതിയിൽ ആഘോഷിച്ചത്. ഐഎൻഎൽ ജില്ലാ ട്രഷററായ സാധു റസാഖ് ദിവസങ്ങൾക്കു മുമ്പാണ് പാർട്ടി വിട്ടത്.
മുസ്ലിംലീഗ് നേതാവ് ബിജെപിയിൽ എന്ന തലക്കെട്ടോടെയാണ് ചിത്രവും വാർത്തയും ബിജെപി ഔദ്യോഗിക ഫേസ്ബുക് പേജിൽ പങ്കുവച്ചത്. കെ സുരേന്ദ്രനൊപ്പം പാർട്ടി പ്രവർത്തകരെ അഭിവാദ്യം ചെയ്യുന്നതാണ് ചിത്രം.