നമ്മള്‍ എല്ലാവരും പാല്‍ കുടിക്കുന്നവരാണ്.എന്നാല്‍ പാല്‍ കുടിക്കുമ്ബോള്‍ ഇനി മുതല്‍ പാലില്‍ ഒരു നുള്ള് മഞ്ഞള്‍ പൊടി ചേര്‍ക്കാന്‍ മറക്കേണ്ട. ദിവസവും മഞ്ഞള്‍ ചേര്‍ത്ത പാല്‍ കുടിച്ചാലുള്ള ഗുണങ്ങള്‍ വളരെ അധികമാണ്. ആന്റിബയോട്ടിക് ഘടകങ്ങളാല്‍ സമ്ബുഷ്ടമാണ് മഞ്ഞള്‍.
നിരവധി രോഗങ്ങള്‍ക്കുള്ള പ്രതിവിധിയാണ് മഞ്ഞള്‍. പാലില്‍ മഞ്ഞള്‍ ചേര്‍ത്ത് കുടിക്കുന്നത് ചുമ, കഫക്കെട്ട്, ജലദോഷം, തുമ്മല്‍ എന്നിവ അകറ്റാന്‍ സഹായിക്കുന്നു. അര്‍ബുദത്തിന്റെ വളര്‍ച്ചയെ തടയാന്‍ മഞ്ഞള്‍ ചേര്‍ത്ത പാലിന് കഴിയും. ഇതിലെ ആന്റി ഇന്‍ഫമേറ്ററി ഘടകമാണ് ഇതിന് ഈ മിശ്രിതത്തെ പ്രാപ്തമാക്കുന്നത്.
ഇളം ചൂടുള്ള മഞ്ഞള്‍ പാല്‍ കുടിക്കുന്നത് ഉറക്കമില്ലായ്മയ്ക്ക് നല്ലൊരു പരിഹാരമാണ്. ഉറങ്ങാന്‍ സഹായിക്കുന്ന അമിനോആസിഡ്, ട്രൈപ്‌റ്റോഫന്‍ എന്നിവയെ ശരീരത്തില്‍ ഉത്പാദിപ്പിക്കാന്‍ മഞ്ഞള്‍ ചേര്‍ത്ത പാലിന് ശേഷിയുണ്ട്. സന്ധിവാതം, സന്ധിവീക്കം എന്നിവ പരിഹരിക്കാന്‍ മഞ്ഞള്‍ ചേര്‍ത്ത പാല്‍ കുടിക്കുന്നത് ഗുണം ചെയ്യുമെന്നാണ് പഠനങ്ങള്‍ പറയുന്നത്.
