മോഹന്‍ലാല്‍ ചിത്രം ദൃശ്യം -2 തീയറ്ററില്‍ പ്രദര്‍ശിപ്പിക്കാന്‍ അനുവദിക്കില്ലെന്ന് ഫിലിം ചേംബര്‍. ചിത്രം ഒടിടി റിലീസായി ആദ്യം വരുന്നതിനാല്‍ പിന്നീട് ഒരു തീയറ്ററിലും പ്രദര്‍ശിപ്പിക്കില്ലെന്നും ഫിലിം ചേംബര്‍ പ്രസിഡന്‍റ് വിജയകുമാര്‍ പറഞ്ഞു.
ദൃശ്യം-2 ഒടിടി റിലീസിന് ശേഷം തീയറ്ററുകളിലെത്തുമെന്ന വാര്‍ത്തകള്‍ക്കിടെയാണ് ഫിലിം ചേംബര്‍ നിലപാട് കടുപ്പിച്ചത്. തീയറ്ററില്‍ റിലീസ് ചെയ്തശേഷം ശേഷം ഒടിടി എന്നതാണ് ഫിലിം ചേംബറിന്‍റെ തീരുമാനമെന്നും വിജയകുമാര്‍ വ്യക്തമാക്കി.
