കോഴിക്കോട്ട് പ്രായപൂര്ത്തിയാകാത്ത പെണ്കുട്ടിക്ക് ക്രൂരപീഡനം. ഉണ്ണികുളം പഞ്ചായത്തിലെ എകരൂലില് ആറ് വയസുകാരിയാണ് പീഡനത്തിനിരയായത്. ആരോഗ്യനില ഗുരുതരാവസ്ഥയിലായ കുട്ടിയെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു.
ബുധനാഴ്ച രാത്രിയോടെയാണ് സംഭവം. മാളൂര്മ്മല് ക്വാറിയില് ജോലി ചെയ്യുന്നവരാണ് കുട്ടിയുടെ മാതാപിതാക്കള്. ക്വാറിയുടെ അടുത്ത് തന്നെയാണ് ഇവര് താമസിക്കുന്നതും. സംഭവസമയം ഒന്നര വയസുള്ള രണ്ട് ആണ്കുട്ടികള് മാത്രമാണ് വീട്ടിലുണ്ടായിരുന്നത്. വീട്ടില് നിന്നും കുട്ടികളുടെ കരച്ചില് കേട്ടിരുന്നതായി അയല്വാസികള് പറഞ്ഞു. സംഭവത്തില് പോലീസ് അന്വേഷണം ആരംഭിച്ചു.