തിരുവനന്തപുരം: കേരളപ്പിറവി ദിനമായ നവംബര് ഒന്നിന് നടക്കുന്ന ഇന്ത്യ- വെസ്റ്റിന്ഡിസ് മത്സരം കൊച്ചി അന്താരാഷ്ട്ര സ്റ്റേഡിയത്തില് നടത്താന് തീരുമാനിച്ചു. ജി.സി.ഡി.എയും കേരള ക്രിക്കറ്റ് അസോസിയേഷനും തമ്മില് നടത്തിയ ചര്ച്ചയിലാണ് വേദി തീരുമാനിച്ചത്.
തിരുവനന്തപുരം കാര്യവട്ടം ഗ്രീന്ഫീല്ഡില് അടുത്തിടെ ഇന്ത്യ-ന്യൂസിലന്ഡ് ട്വന്റി-20 മത്സരം നടന്നതിനാലാണ് കൊച്ചിക്ക് നറുക്കുവീണത്. 24ന് നടക്കുന്ന കെ.സി.എ യോഗത്തിനും ശേഷമാകും അന്തിമ തീരുമാനമുണ്ടാവുക.
2017 നവംബറിലാണ് കേരളം അവസാനമായി രാജ്യാന്തരമത്സരത്തിന് വേദിയായത്. അന്ന് ഗ്രീന്ഫീല്ഡില് ന്യൂസിലന്ഡുമായുള്ള മത്സരത്തില് ആറ് റണ്സിന് ഇന്ത്യ ജയിച്ചു. മഴമൂലം കളി എട്ട് ഓവറായി വെട്ടിച്ചുരുക്കിയിരുന്നു.