ഒട്ടാവ: അമേരിക്കയിലെ നിരവധി സംസ്ഥാനങ്ങളില് കോവിഡ് വ്യാപനം തുടരുന്നതിനാല് കാനഡ- അമേരിക്ക അതിര്ത്തി തുറക്കുന്നത് വൈകിയേക്കുമെന്ന് റിപ്പോര്ട്ട്. മാര്ച്ച് 21ന് അടച്ച അതിര്ത്തി നിലവില് ഓഗസ്റ്റ് 21 വരെ അടച്ചിടാനാണ് ഫെഡറല് സര്ക്കാര് തീരുമാനിച്ചിരിക്കുന്നത്.
എന്നാല് അതിര്ത്തി ഉടന് തുറക്കുന്നതിനെ ഭൂരിപക്ഷം കനേഡിയന്മാരും അനുകൂലിക്കുന്നില്ലെന്നാണ് റിപ്പോര്ട്ടുകള് സൂചിപ്പിക്കുന്നത്. ഓരോ 30 ദിവസം കൂടുന്പോഴുമാണ് അതിര്ത്തി അടയ്ക്കല് കരാര് ഇരുരാജ്യങ്ങളും അവലോകനം ചെയ്യുന്നത്. അതിന്റെ ഭാഗമായി ഓഗസ്റ്റ് 21ന് മുന്പായി നടക്കുന്ന അവലോകനത്തില് അതിര്ത്തി തുറക്കുന്നത് ഇനിയും നീളുമെന്നാണ് പ്രതീക്ഷിക്കുന്നത്.