സംസ്ഥാനത്ത് ഓണക്കിറ്റ് വിതരണം വ്യാഴാഴ്ച മുതല് ആരംഭിക്കുമെന്ന് മുഖ്യമന്ത്രി പിണറായി വിജയന്. 500 രൂപ വിലയുള്ള ഓണക്കിറ്റാണ് നല്കുന്നത്. സപ്ലൈകോ കേന്ദ്രത്തില് പാക്ക് ചെയ്യുന്ന കിറ്റ് റേഷന് കടവഴി വിതരണം ചെയ്യും.
അന്ത്യോദയ വിഭാഗത്തിനാണ് ആദ്യം കിറ്റുകള് നല്കുക. ഓഗസ്റ്റ് 13, 14, 16 തീയതികളില് മഞ്ഞകാര്ഡുകള്ക്ക് വിതരണം ചെയ്യും. 19,20,22 തീയതികളില് പിങ്ക് കാര്ഡുകള്ക്ക്. ഓണത്തിന് മുന്പ് നീല, വെള്ള കാര്ഡുകള്ക്ക് കിറ്റ് വിതരണം ചെയ്യുമെന്നും മുഖ്യമന്ത്രി അറിയിച്ചു. സംസ്ഥാനത്തെ 2000 പാക്കിംഗ് കേന്ദ്രത്തില് സന്നദ്ധ പ്രവര്ത്തകരുടെ കൂടി സഹായത്തോടെ കിറ്റുകള് തയാറാക്കും. പ്രളയത്തിന്റെ പശ്ചാത്തലത്തില് സാധനം എത്താനുണ്ടായ ബുദ്ധിമുട്ട് തരണം ചെയ്യുമെന്നും മുഖ്യമന്ത്രി പറഞ്ഞു.
സംസ്ഥാനത്ത് ഓണച്ചന്ത എല്ലാ ജില്ലാ കേന്ദ്രത്തിലും ഈ മാസം 20 മുതല് പത്ത് ദിവസത്തേക്ക് നടത്തുമെന്നും മുഖ്യമന്ത്രി വിശദമാക്കി.