ട്വിറ്റര് കേന്ദ്രസര്ക്കാരിന് വഴങ്ങുന്നു എന്ന സൂചനയാണ് പുറത്തുവരുന്നത്. കേന്ദ്രസര്ക്കാര് ആവശ്യപ്പെട്ട 97 ശതമാനം അക്കൗണ്ടുകളും ട്വിറ്റര് മരവിപ്പിച്ചു.
1,398 അക്കൗണ്ടുകളാണ് മരവിപ്പിച്ചത്. ബാക്കി അക്കൗണ്ടുകളെ സംബന്ധിച്ചുള്ള നടപടികള് ട്വിറ്റര് ആരംഭിച്ചതായാണ് വിവരം.
ട്വിറ്ററിന്റെ ഇന്ത്യയിലെ മുതിര്ന്ന ഉദ്യോഗസ്ഥതലത്തില് മാറ്റമുണ്ടാകുമെന്നും കേന്ദ്രസര്ക്കാരിനെ അറിയിച്ചു.
1,435 അക്കൗണ്ടുകള് മരവിപ്പിക്കണമെന്നായിരുന്നു കേന്ദ്രസര്ക്കാര് ട്വിറ്ററിനോട് ആവശ്യപ്പെട്ടിരുന്നത്.
മോദി കര്ഷകരുടെ വംശഹത്യ ആസൂത്രണം ചെയ്യുന്നു എന്ന ഹാഷ് ടാഗിലൂടെ ട്വീറ്റ് ചെയ്തിരുന്ന 257 അക്കൗണ്ടുകള് ബ്ലോക്ക് ചെയ്യണമെന്നും ട്വിറ്ററിനോട് കേന്ദ്രം ആവശ്യപ്പെട്ടിരുന്നു. ഇതില് 220 അക്കൗണ്ടുകള് മരവിപ്പിച്ചതായി ട്വിറ്റര് കേന്ദ്രത്തെ അറിയിച്ചിട്ടുണ്ട്