കൊച്ചി: എറണാകുളത്ത് എളങ്കുന്നപ്പുഴയില് വള്ളംമറിഞ്ഞ് കാണാതായ ഒരാളുടെ മൃതദേഹം കണ്ടെത്തി. നായരമ്ബലം സ്വദേശി സന്തോഷാണ് മരിച്ചത്. മൃതദേഹം തീരത്തടിയുകയായിരുന്നു. കാണാതായ മറ്റു രണ്ടു പേര്ക്കായി തെരച്ചില് തുടരുകയാണ്.
എളങ്കുന്നപ്പുഴയില് വള്ളംമറിഞ്ഞു മൂന്നു മത്സ്യത്തൊഴിലാളികളെയാണ് കാണാതായത്. സന്തോഷിന് പുറമെ പുക്കാട് സ്വദേശി സിദ്ധാര്ത്ഥന്, പച്ചാളം സ്വദേശി സജീവന് എന്നിവരെയാണ് കാണാതായത്. കൂടെയുണ്ടായിരുന്ന ഒരാള് നീന്തി രക്ഷപ്പെട്ടു.
മത്സ്യത്തൊഴിലാളികള്ക്കായി പോലീസും ഫയര്ഫോഴ്സും ചേര്ന്നാണ് തെരച്ചില് നടത്തുന്നത്.