ന്യൂഡല്ഹി: കശ്മീരിന് പ്രത്യേക അധികാരം നല്കുന്ന ആര്ട്ടിക്കിള് 370, 35A എന്നിവ രാജ്യത്തേക്ക് തീവ്രവാദികള്ക്ക് നുഴഞ്ഞുകയറാനുള്ള മാര്ഗമായിരുന്നുവെന്ന് കേന്ദ്രആഭ്യന്തരമന്ത്രി അമിത് ഷാ. പ്രധാനമന്ത്രി നരേന്ദ്രമോദി ആര്ട്ടിക്കിള് 370 റദ്ദാക്കി തീവ്രവാദികള് കടന്നുകയറുന്ന പാത അടച്ചു. പ്രധാനമന്ത്രി മോദി അതിനുള്ള ധൈര്യം കാണിച്ചുവെന്നും അമിത് ഷാ പറഞ്ഞു. സര്ദാര് പട്ടേലിെന്റ ജന്മ വാര്ഷികാഘോഷങ്ങളുടെ ഭാഗമായി നടന്ന ‘റണ് ഫോര് യൂനിറ്റി’ ഫ്ലാഗ് ഓഫ് ചെയ്ത് സംസാരിക്കുകയായിരുന്നു അദ്ദേഹം.
സര്ദാര് പട്ടേലിന് ഇന്ത്യയിലെ 550 നാട്ടുരാജ്യങ്ങളെ ഒരുമിപ്പിക്കാന് കഴിഞ്ഞു. എന്നാല് കശ്മീര് വിഷയത്തില് അദ്ദേഹത്തിന് പശ്ചാതപിക്കേണ്ടിവന്നു. ജമ്മുകശ്മീര് ഇന്ത്യയോട് ചേര്ന്നെങ്കിലും ആര്ട്ടിക്കിള് 370ഉം 35Aയും തടസമായി. 70 വര്ഷം ഇതിന് മാറ്റമുണ്ടായിരുന്നില്ല. 2019 ആഗസ്റ്റ് 5ന് മോദി സര്ക്കാര് സര്ദാറിെന്റ സ്വപ്നം പൂര്ത്തീകരിച്ചുവെന്നും അമിത് ഷാ പറഞ്ഞു.
ഇന്ത്യയുടെ ആദ്യത്തെ ആഭ്യന്തര വകുപ്പ് മന്ത്രിയായ സര്ദാര് വല്ലഭായ് പട്ടേലിെന്റ ജന്മദിനത്തിലാണ് ജമ്മുകശ്മീര്, ലഡാക്ക് എന്നീ കേന്ദ്രഭരണപ്രദേശങ്ങളായി പ്രാബല്യത്തില് വന്നത്.