കാലിഫോര്ണിയ: വിന്ഡോസ് ഓപ്പറേറ്റിങ് സിസ്റ്റത്തിന്റെ ഏറ്റവും പുതിയ പതിപ്പ് അവതരിപ്പിച്ച് മൈക്രോസോഫ്റ്റ്. വെര്ച്വലായി നടന്ന ചടങ്ങില് സി.ഇ.ഒ സത്യ നദാലെയാണ് പുതിയ പതിപ്പ് പുറത്തിറക്കിയത്. സ്റ്റാര്ട്ട് മെനു, ടാസ്ക് ബാര്, വിഡ്ജെറ്റുകള് എന്നിവയിലെ മാറ്റങ്ങളാണ് പ്രധാന സവിശേഷത. ഇനി മുതല് ഡെവലപ്പര് ആപുകളും വിഡ്ജെറ്റിന്റെ ഭാഗമായി എത്തും.
ടച്ച് മോഡുള്ള ലാപ്ടോപ്പുകള്ക്ക് കൂടുതല് ഇണങ്ങുന്ന രീതിയില് ഓപ്പറേറ്റിങ് സിസ്റ്റത്തെ കമ്ബനി പരിഷ്കരിച്ചിട്ടുണ്ട്. മൈക്രോസോഫ്റ്റ് സ്റ്റോര് വഴി ആന്ഡ്രോയിഡ് ആപുകളും ഇനി വിന്ഡോസിന്റെ ഭാഗമായി എത്തും. ടിക് ടോക് പോലുള്ള ആപുകള് ഇനി വിന്ഡോസ് സ്റ്റോറില് ലഭിക്കും.
മാക് പോലുള്ള വ്യത്യസ്ത ഡിവൈസുകള് ഉപയോഗിക്കുന്നവരുമായും വിഡിയോ കോള് സാധ്യമാക്കുന്ന ഫീച്ചറും വിന്ഡോസ് 11ന്റെ ഭാഗമായി എത്തും.
വിന്ഡോസ് 10 ഉപയോഗിക്കുന്ന എല്ലാവര്ക്കും 11ന്റെ അപ്ഡേഷന് സൗജന്യമായി നല്കുമെന്നും സത്യ നദാലെ വ്യക്തമാക്കിയിട്ടുണ്ട്. ഈ വര്ഷം അവസാനത്തോടെ ഉപയോക്താകള്ക്ക് ഓപ്പറേറ്റിങ് സിസ്റ്റം ലഭ്യമാവുമെന്നാണ് പ്രതീക്ഷ.