പൊന്നാനിയില്‍ വെച്ച്‌ ഭക്ഷണം കഴിക്കാന്‍ കയറിയപ്പോള്‍ ഒരു സംഘം അപമാനിക്കാന് ശ്രമിച്ചെന്ന ബിജെപി ദേശീയ ഉപാധ്യക്ഷന്‍ എ പി അബ്ദുള്ളക്കുട്ടിയുടെ പരാതിക്കെതിരെ പുതിയ വെളിപ്പെടുത്തലുമായി ഹോട്ടല്‍ ഉടമ. എ പി അബ്ദുള്ളക്കുട്ടിയെ ആരും കയ്യേറ്റം ചെയ്തിട്ടില്ലെന്നും , അപമാനിക്കാന് ശ്രമിച്ചിട്ടില്ലെന്നും പൊന്നാനിയിലെ ഹോട്ടലുടമ പറഞ്ഞു. ഹോട്ടലിന് അകത്ത് വച്ച്‌ ഇങ്ങനെ ഒരു സംഭവം നടന്നിട്ടില്ലെന്ന് ഹോട്ടല്‍ ഉടമ പറഞ്ഞു. ഹോട്ടലിലെ സിസിടിവി പ്രവര്‍ത്തിക്കുന്നില്ലെന്നും ഹോട്ടലിന് പുറത്ത് വച്ച്‌ ഇങ്ങനെ ഒരു സംഭവം നടന്നതായി അറിയില്ലെന്നും ഹോട്ടല്‍ ഉടമ പറഞ്ഞു.
ഇതിന് ശേഷം ആണ് അബ്‌ദുള്ളകുട്ടിയുടെ കാറില്‍ ലോറി വന്ന ഇടിച്ചത്. താന്‍ സഞ്ചരിച്ച കാറിനു പിന്നില്‍ മറ്റൊരു വാഹനം കൊണ്ടു വന്ന് അമിതവേഗതയില്‍ ഇടിക്കുകയായിരുന്നു. പിന്നാലെ കാറില്‍ നിന്ന് പുറത്തിറങ്ങാന്‍ ശ്രമിക്കുന്നതിനിടെ വീണ്ടും വാഹനം പിന്നില്‍ കൊണ്ടുവന്ന് ഇടിപ്പിച്ചുവെന്നും അബ്‌ദുള്ളക്കുട്ടി പറഞ്ഞു. പൊന്നാനി പൊലീസ് കേസ് രജിസ്റ്റര്‍ ചെയ്തിട്ടുണ്ട്.
